Əsas səhifə > Müsahibələr > Əhalini fəallaşdırmaqla bağlı planlarımız var

Əhalini fəallaşdırmaqla bağlı planlarımız var

Əli Kərimli: «Parlament seçkilərində iştirak edəcəyik və seçkilərlə bağlı çox ciddi planlarımız mövcuddur»

2009-cu ilin ictimai-siyasi yekunları, müxalifətin mövcud durumu və planları barədə “Turan”ın suallarına  AXCP sədri Əli Kərimli cavab verib.
-2009-cu ildə iqtidarla müxalifət münasibətlərində hansı yeniliklər baş verib? Ilin yekunlarını necə qiymətləndirirsiniz?
– 2009-cu il uğursuz və itirilmiş illərdən biri kimi tarixə düşdü. Azərbaycan iqtisadi, siyasi, sosial, xarici siyasət sahəsində qarşısında duran vəzifələrin həyata keçirilməsinə nail ola bilmədi. Ötən il çox ciddi siyasi geriləmələrlə xarakterizə olundu. Martın 17-də keçirilən referendum bir nəfərin məhdudiyyətsiz müddətə hakimiyyəti əlində saxlamasına yaşıl işıq yandırdı. Konstitusiyaya düzəlişlər Ilham Əliyevin hətta ömürlük belə hakimiyyətdə qalması üçün hüquqi mexanizm yaratdı. Bələdiyyə seçkiləri indiyədək keçirilən bütün seçkilərin ən qeyri-demokratiki oldu, çoxpartiyalılıqdan imtina ilə xarakterizə olundu, birpartiyalı seçkilər oldu. Seçkilər, demək olar ki, heç bir rəqabət şəraiti olmadan keçirildi. Il ərzində söz və mətbuat azadlığına basqılar davam etdi. 2007-2008-ci ildə həbs edilmiş baş redaktorlar, gənclər, digər siyasi məhbuslar həbsdə qaldı. Bu il gənc bloggerlər həbs olundu və siyasi məhbusların sayı xeyli artdı.
2009-cu il siyasi baxımdan Azərbaycanın daha da qeyri-demokratikləşdiyi, söz və mətbuat, seçki, insan hüquq və azadlıqlarının məhdudlaşdırıldığı bir il kimi xarakterizə olundu. Beynəlxalq təşkilatlar da artıq Azərbaycanda davamlı avtoritar rejimin yarandığını bəyan etdi. Il iqtisadi baxımdan uğursuzluqla xarakterizə olundu. Büdcə gəlirləri 18 faiz azaldı, gələn il də büdcə gəlirləri 17 faiz, yəni 2 milyard manat civarında azalacaq. Təkcə bu rəqəm Azərbaycanda iqtisadi böhranın nə qədər dərin olduğunun göstəricisidir. Il ərzində vergilər 40 faiz kəsirlə toplandı, xarici ticarət dövriyyəsi 3 dəfə, xarici sərmayələr xeyli dərəcədə azalıb, yüz minlərlə insan işsizlər ordusuna qatılıb.
Dağlıq Qarabağ münaqişəsinin nizama salınması istiqamətində heç bir uğur qazanılmadı. Danışıqlar davam etdirilsə də, bu danışıqlar bizi nizamlanmaya yaxınlaşdıra bilmədi. Əksinə, il ərzində Azərbaycanın beynəlxalq mövqeyi daha da zəiflədi. Bizim əvəzedilməz müttəfiqimiz olan Türkiyə ilə münasibətlərimizdə xeyli problemlər yaşandı. Azərbaycan bir sıra beynəlxalq təşkilatlar tərəfindən Dağlıq Qarabağla bağlı gözlədiyi dəstəyi ala bilmədi. Bütövlükdə, il xarici siyasət sahəsində də uğursuz oldu.
Ölkədə sosial problemlər daha da dərinləşdi. Il ərzində əmək haqları artırılmadı, yaşayış daha da çətinləşdi.
– 2009-cu ildə müxalifətin uğurları nədən ibarət olub? Müxalifət də bütün bu hadisələrin fonunda siyasi etirazlar nümayiş etdirmədi.
-Hesab edirəm ki, 2009-cu ildə müxalifətin uğurlarından danışmaq bir az yersizdir. Əgər ölkə başdan-ayağa uğursuzluq içərisindədirsə, müxalifətin də hər hansı uğurundan danışa bilmərik. Bütövlükdə ölkədəki uğursuzluqlar müxalifəti də əhatə edir. Düzdür, biz cəhd etdik ki, referenduma qarşı müxalifətin birgə etirazını təşkil edək, bu istiqamətdə müəyyən addımlar atdıq. Amma, bütövlükdə ölkədə müxalifət üçün də uğursuz bir il oldu.
– 2010-cu il parlament seçkiləri ilidir. Müxalifət gələn il üçün nə planlaşdırır və 2010-cu ildə uğurunu nədə görür?
– 2010-cu ildə müxalifətin müəyyən optimizmi, gözləntiləri var. Biz, 2010-cu ildə müxalifətin parlament seçkilərində daha fəal iştirak etməsinə çalışacağıq. Müxalifətin daha uğurlu birlik konfiqurasiyasını tapmaq, əhalini seçkilər zamanı daha da fəallaşdırmaqla bağlı planlarımız var. Ümidimiz var ki, Azərbaycan cəmiyyətində müəyyən aktivlik yarada biləcəyik.
-AXCP parlament seçkilərində iştirak edəcəkmi?
– Parlament seçkilərində iştirak edəcəyik və seçkilərlə bağlı çox ciddi planlarımız var.

Advertisements
Kateqoriyalar: Müsahibələr Etiketlər: ,
  1. Yanvar 8, 2010 tarixində, saat 10:24 səhər

    Əli bəy!

    Ölkədə qeyri-standart vəziyyət hökm sürsədə Azadlıq bloku və müttəfiqləri öncəki illərdəki uğurlarını təkrar edə biləcəklər. Qazanılan uğurun saxlanılmasına isə
    imkan verilməməsi tamam başqa məsələdir. 2010, İnşallah qələbə ilimiz olacaq və Azadlıq Meydanında böyük bir atəşfəşanlıq da keçirəcəyik.

  2. Yanvar 9, 2010 tarixində, saat 2:10 axşam

    Äli bey mänä görä azärbaycan xalqina olan haqsizdiqlarin qarshisini almaq vätändashdari aydinlatmaqnan mümkündür. Bir söznän indiki iqtidara qarshi insanlari aydinlatmaq än yaxshi silahdir. Mäsälän Azärbaycanda bash veränläri xalqa oldugu kimi chatdirmaq vä Azärbaycan xalqina hansi formada bir yasham tärzi qurmaq mümkün olacagini genish bir shäkildä anlatmaq.

  3. Cobrar666
    Yanvar 9, 2010 tarixində, saat 4:33 axşam

    mence Azerbaycanda iqtidar sistemi en pis sistem olsa da amma ondan yaxşısı da yoxdur.ona gore de müxalif qüvve olaraq siz daha real inandırıcı daim mübariz yenilikçi problemlere ideal yamaşma metodunuz olmalıdır.ve onda xalq size inanar sizi destekliyer.mence ölkenin hazırda böyük ekseriyyeti müxalif fikirdedir.sadece müxalifetin bu fikirleri reallaşdıra bilme gücü hele ki görünmür.bu sistemin deyişdirmeye çox ehtiyac var

  4. E'tibar
    Yanvar 9, 2010 tarixində, saat 10:16 axşam

    Inşallah planlarınız uğurla həyata keçər. Daim sizin ideyalarınız ətrafında birləşməyə hazırıq. Mühüm olan mübarizə əzminin yaşaması, və XALQDA yaşadılmasıdır. Bu qığılcım belə olsa, bir gün vulkan kimi püskürəcək ) təki ocaq sönməsin !!! Bu gün bu şərəfli missiya Əli bəyin çiyinlərinə düşür. Vətənini sevən, millətini düşünən insanlar var olduqca, xalqın mübarizə əzmini heç ki və heç nə qıra bilməz. Bu yolda XALQ CƏBHƏSİNİN bütün “ƏSGƏRLƏRİNƏ” uğurlar arzu edirəm !!!

  1. No trackbacks yet.

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: